كلمات اغنية في كل حي ولد عترة و صبية حنان
كلمات اغنية في كل حي ولد عترة و صبية حنان
في كل حي ولد عترة و صبية حنان
و كلنا جيرة و عشرة و أهل و خلان
أميرة عاقلة و فـ الحجلة العقل يطير
كانت صغيرة بضفيرة و كان هو صغير
ساعة ما تضحك مع اخوها تلاقيه بيغير
و لما ترفع قلتهم تلاقيه عطشان
زمانه ماشي بخطوة يضم
زمانها كبرت و بقت أم
زمان جواب جاي لها بيجري على العنوان
الفجر بيلاقي المغرب و بيجي و يروح
و الليل يرد على الشارع شباك مفتوح
هنا الرصيف وهنا السلم و هناك يا سطوح
متعلقة كمام النونو فـ ديل الفستان
زمانه ماشي بخطوة يضم
زمانها كبرت وبقت أم
زمان ضناهم فـِ المدرسة كنز الأوطان
نحضن ولادنا و لا نخلي حنية و ذوق
نكبر معاهم و نغني لقدام و لفوق
يا دي العيون اللي بتقرا فى كتاب الشوق
الدنيا خضرة و مش فاضل على بكره زمان
زمانه ماشي بخطوة يضم
زمانها كبرت و بقت أم
أصل الحكاية حكايتنا نبني الانسان
